Vitse baş nazir İrına Vereşçuknıñ yardımınen Odesa ve Çernihiv vilâyetleriniñ internat müessiselerinden 127 bala vesiylerinen beraber realibitatsiya içün çet ülkelerge yollandı.

Bu cümleden, Odesa vilâyetinden 75 öksüz bala Romaniyağa, daa 16 bala Litvaniyağa ketti. Bu balalarnıñ, alğan ükle temin etecegi mahsus baqmağa ihtiyacı bar. Çernihiv vilâyetinden 36 öksüz bala Lehistanğa ketti.

Umumen rfnıñ tolu miqyaslı tecavuzından başlap 6 biñden ziyade öksüz bala ve ana-babasından marum etilgen bala Ukrainanıñ daa telükesiz bölgelerine ya da çet memleketelerge ketirildi. Bazılarınıñ mahsus ihtiyaçları bar.

“Ana-babasına ya da vesiylerine saip olmağan balalarımıznıñ telükesizlikte olmaları, sağlığını yahşılaştırmaları ve quvetleştirmeleri içün Reintegratsiya nazirligi çeşit yolnen yardımcı ola”, – dep İrına Vereşçuk qayd etti.

Hatırlatamız ki, Reintegratsiya nazirliginiñ yardımınen işğalcilerniñ qanunsız olaraq Ukrainanıñ vaqtınca işğal etilgen topraqlarını ya da rfna ketirgenleri 44 bala qaytarıldı.