Bugün Vitse baş nazir İrına Vereşçuk Ükümetniñ Başı Denıs Şmığalnen ve Cemaatlarnıñ ve topraqlarnıñ inkişafı naziri Oleksiy Çernışovnen beraber Çerhiniv vilâyetini ziyaret ettiler. Diqqatnıñ ortasında, düşman ateşinden şiddetli tarzda zarar körgen işğalden azat etilgen cemaatlardır.

Ükümetniñ reberligi yerli cemaatnen laf etti. Şu anda işğalden azat etilgen Yahidne köyünde ükümetçiler, düşmanlarnıñ sakinlerni reine olaraq tutqanları mektepniñ sığınağına kettiler. Köylülerniñ çoqusı yarım viran etilgen evlerde yaşay, insanlar vesiqalarını ve mülkiyetini coydılar ve içtimaiy yardımğa ihtiyaç duyalar.

İrına Vereşçuk Çernihiv vilâyetiniñ diger territorial cemaatlarını ziyaret etti. Onıñ sözlerine köre, eñ müim şey – insanlarğa qızdıruv mevsimine azırlamağa yardım etmektir.

“Devlet, halqara ortaqlar, hayriyetçiler, er keş birlikte insanlarğa düşmannıñ viran etkeni meskenni yañıdan quracaqmız: qurma mahsulatınen, pencerelerni ve tabannı deñişterecekmiz. Bu bizim vazifemizdir!” – dep vitse baş nazir qayd etti.