Haberdar etemiz ki, mevcut malümatqa köre, yaqın zaman içinde rus işğalcileri, ukrainlerge qarşı masştablı malümat-ruhiyat operatsiyasını planlaştırırlar.

Ukraina Mudafaa naziri Oleksiy Reznikov bunı añlattı.

Onıñ maqsadı – yalan yardımınen ukrain halqınıñ ve ukrain ordusınıñ qarşılıq köstermesini bozmaqtır.

Böylece, mevcut malümatqa köre, duşmanlar böyle şeyler planlaştırırlar:

• alâqanıñ aqsap-aqsap işlevini yapmaq;
• ukrain arbiy-siyaset rehberliğiniñ kapitulâtsiyağa razı olğanı aqqında yañlış malümat bermek;
• yuqarı añılğan yañlış malümatnı “tasdıqlamaq” maqsadınen öyle degen imzalanğan “veslqalar”nı ve çekilgen feyk videolarnı tarqatmaq.

Qayd etemiz ki, içtimaiy ağlarda ya da İnternette böyle yañlış malümatnı körseñiz, feyk haberlerge degil, tek resmiy ve işançlı menbalarğa işanıñız! Ukrain akimiyetiniñ tek keskin ve açıq-aydın nazar niqtası bar: kapitulâtsiya degil, tek ğalip olacaq!

Bu malümatnı aqrabalarıñız ve arqadaşlarıñız arasında azamiy tarzda tarqatmağa rica etemiz.

İşğalciniñ, ukrain halqını bozma daa bir tırışuvını beraber yıqayıq!