Cebede mevamlardan marum olaraq duşman quvetlerini gumanitar cebege üleştirip, grajdan ealige daa accı ketirmege tırışa. Amma o iç bir işte asla becermeycek, dep Perşıy kanalınıñ canlı yayınında vitse baş nazir İrına Vereşçuk inandırdı.

“İşğalciler keri çekilgende mesken rayonlarğa ateş açalar, kritik ve içtimaiy astyapını viran eteler, şeer ve köylerniñ yaşayış teminatı sistemalarını maqsatlı tarzda bozalar. Alçaq bir areket tarzı – ukrainalılarnıñ devlet içinde kütleviy köçmelerini ve qarışıqlıq doğurmaqtır. Bu olmaycaq! Devlet, soñ derecede telükeli rayonlarda ya da yaşamağa telükeli olğanı keçende azat etilgen topraqlarda bulunğan bütün vatandaşlarnı tahliye etmege azır. Er kesni qabul etip yerleştirecekmiz. Duşmanğa gumanitar cebede ğalebe qazanmağa izin bermeycekmiz!” – dep İrına Vereşçuk qayd etti.

Memur, tahliye etmege planlaştırğan ukrainalılarnı vaqıt coymamağa çağırdı. Bir sual ya da mesele peyda olsa, Reintegratsiya nazirliginiñ 24 saat işlegen buhran meseleleri sıcaq hattına hitap etmek mümkün: 15-48.