Herson ve Zaporijjâ vilâyetleriniñ vaqtınca işğal etilgen topraqlarından tınç yaşağan ealini tahliye etüv ceryanı endi başlandı, amma pek qıyın inkişaf ete: rf tahliye yollarını bloklar, gumanitar koridorlarnı açmaz. Aynı zamanda göñüllilernen birlikte ukrain akimiyeti vatandaşlarğa telükeli bölgelerden Ükümetniñ nezareti astındaki topraqlarına ketmege çeşitli şekillerde yardımcı olur. İtalyan Adnkronos basımına intervyü bergende Ukraina vitse baş naziri İrına Vereşçuk bunı añlattı.
«Yaqın kelecekte blokadanı yoq ettirmege ümüt etemiz!» – memur qayd etti.
O hatırlattı ki, rus tolu miqyaslı tecavuzınıñ başlanğıcından Reintegratsiya nazirligi vaqtınca işğal etilgen, qırşavlanğan ve arbiy areketler topraqlarından 350 biñden ziyade grajdan vatandaşnı tahliye etmege becerdi