Rus akimiyetine Vitse-baş nazir – Ukrainanıñ vaqtınca işğal etilgen topraqlarinıñ reintegratsiya meseleleri naziri İrina Vereşçuk böyle çağıruvnen muracaat etti. Nevbetiy brifing vaqtında o, gumanitar koridorlarnen bağlı vaziyetni añlattı.

Onıñ sözlerine köre, Rusiye Federatsiyası Mart ayınıñ 7-sinden saat 10dan başlap tınç rejimni ilân etmege ve ukrain meskün yerlerinden Rusiyege ve Belarusqa gumanitar koridorlarnı açmağa teklif etti.

«Bu, gumanitar koridorlarnı açma variantı bizim içün uyğun olmay», – dep İrina Vereşçuk ayttı. O añlattı ki, Ukraina insanlarnı tahliye etmek içün gumanitar koridorlar aqqında öz nazar noqtasını yolladı ve rus akimiyetini buna azır olğanını acele olaraq qabul etmege rica ete.

Reintegratsiya nazirliginiñ reberi, Rusiyeni tınç yaşağan ealiniñ ayatınen aldatıp idare etmege bitirmege ve ilâçlarnen ve azıq mahsulatınen gumanitar yükler ketirilgeni gumanitar koridorlarnı açmağa çağırdı.