Bugün saat 10-da keçenlerde Rusiye Federatsiyaınen tasdıqlanğan gumanitar koridor çalışmağa başladı. Bunıñ yerine, Rusiyeniñ gumanitar yük yönelişi bombalağanına dair haberler bar. İrina Vereşçuk bunı öz video muracaatında haberdar etti.

«Serbest dünyanıñ tüm liderlerini, tam manasınen 300 biñ kişiniñ reine alınğanı Mariupol yönelişinde olğan vaziyetni közetmege çağıramız. Olarnıñ arasında insulinge bağlılar, onkologiyanen hastalar ve kiçik balalar bar. Bunıñ içün, bütün dünyanıñ diqqatına ihtiyac duyğan gumanitar felâkettir», – dep çağırdı.

Gumanitar koridornıñ Mariupol-Zaporijjâ yönelişinde çalışqanını hatırlatamız. Gumanitar yük, Orihiv, Poloğı, Belmanka, Rozivka, Respublika, Manğuş ve Portovske üzerinden Mariupol yönelişine Zaporijjâdan çıqtı: keri dönüş yolunda insanlarnı, hususan qadınlar, balalar ve qartlarnı alacaq 8 yük maşnası ve 30dan ziyade avtobus.