“SOS Bala Şeerçikleri” halqara hayriye teşkilâtı Kıyiv vilâyetindeki Bila Tserkva bala evine gumanitar yardım: bir qaç yüz ezmenen banka ve pasta yolladı.

Bu, öz başına aşamağan balalar içün mahsuslaştırılğan bala aşıdır. Kerekli ilâçlar da ketirilecektir.

Şimdi müessisede 32 bala yaşay. Olarnıñ aralarında öksüz, ana-baba qayğıruvından marum etilgen, mahsus baquvğa ihtiyac duyğan balalar.

Keçenlerde Harkiv vilâyetiniñ işğalcilerden azat etilgen topraqlarından daa 21 balanıñ kelgeni vaqıt bu müessisede bulunğan balalarnıñ sayısı arttı. Göñülliler olarnı Şevçenkove qasabasından ve Kupyansk şeerinden ketirildiler.

Olar da 10-18 yaşındaki ve sıñırlanğan imkânlarnen balalardı.

Bala evinde olar qayğıruvnen qabul etilip baqıla. Göñülliler de müessiseniñ balalarını baqmağa çoq yardım eteler.

Hatırlatamız ki, Reintegrtasiya nazirligi tahliye ve gumanitar yardım meseleleri çat-botunı işletti. Bağlantı Telegramda: Minre_1548_Help_Bot.