Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk inandırdı ki: Ukraina, öz mustaqilligini ve avropa demokratiyasını qorçalayaraq dünyağa öz küçüni isbat etti.

Onıñ sözlerine köre, dünya insanlarımıznıñ cesürliginden ayrette qaldı. O emin ki, cenkteki ğaliplerimiz, devletimizni dünya meydanındaki eñ quvetli devletlernen aytışmalarda teñ ve inandırıcı bir aza yapa.

«Qarada ve avada ğalip olsaq ve deñizdeki ücümden qorçalamamız olsa, aytışma masasındaki bizim siyasiy laflarımız quvetli ve daa delilli olacaq, – dep bildirdi. Ukrain Silâlı Quvetleri, bizim Prezidentimizge ve siyasetçilerimizge böyle küç-quvetli destekni kefalet ete».