DAK içün Uquqiy mesleatçı öz işini tamamınen yañıdan başlattı. Şimdi çat-bot yardımınen alınğan kişiler tahliye imkânları, blok noqtalarını keçüv, mevcut mesken, çalışqan ilâçhaneler ve tükânlar, çetelge ketme ve bulunma hususiyetleri, em de öz vesiqalarını yañıdan vesiqalaştırma, pensiyanı alma imkânları ve başqa şeyler aqqında malümat tapa bilecekler.
«RFnıñ silâlı tecavuzınıñ başından soñ millionlarca vatandaşımız sıñırnı keçme, blok noqtalarını keçme yol-yoruqları aqqında malümatnıñ deyerli olmağanını ögrendi. Çat-bot kibi böyle alet bu meselelerni muvafaqiyetnen çezmege ve 24/7 rejiminde zarar körgen insanlarğa kerekli malümatnı bermege yardim ete», – dep Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Snaver Seithalilev qayd etti.
Daa DAK içün Uquqiy mesleatçıda ameliy tavsiyeler bar: muayyen allarda ne yapmaq, kerekli usul ve başqa vesiqalarınıñ örnekleri, devlet müessiseleriniñ ve teşkilatlarınıñ kontaktları, interaktiv haritalar, malümat grafikleri ve faydalı tevsiyeler. Abune olğanlarnıñ puş-qıdırma vastasınen müim haberler aqqında beyanatlarnı tez tarzda almağa imkânı olacaq.
DAK içün Uquqiy mesleatçını nasıl qullanmaq mümküm
Çat-bot 24/7 rejiminde Facebook, Viber ve Telegram kibi Ukrainadaki eñ rağbetli içtimaiy ağlar esasında çalışa. Hızmet almaq içün:
1. Viber
2. Telegram
3. Facebook (Messenger)
4. Facebooktaki «DAK içün Uquqiy mesleatçı» saifesine baqınız: https://www.facebook.com/IDP.legal.aid/
5. Leyhanıñ saytıne baqıñız: https://chatbot.r2p.org.ua/
Daa uquqçılarnıñ mesleatı er kün saat 7-den 22-ge qadar “Qorçalama aqqı” HFnıñ sıcaq hattınıñ telefonları vastasınen alına bilir:
1. VODAFONE: +38 (099) 507 50 90
2. KYIVSTAR: +38 (068) 507 50 90
3. LIFECELL: +38 (093) 507 50 90
Hatırlatamız ki, DAK içün Uquqiy mesleatçı, isveçre-ukrain EGAP programması ve “Qorçalama aqqı” HFnıñ uquqiy taqımı tarafından Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ ve Raqamiy transformatsiya nazirliginiñ yardımınen azırlandı.