Bugün Ukraina vitse baş naziri İrına Vereşçuknıñ başlığınen ükümet taqımı Frankivsk ve Zakarpattâ vilâyetlerinde buluna.

Bu eki bölgede eñ çoq devlet içinde alınğan kişini qabul etti. Böylece, şu anda tek Zakarpattâda 123 biñden ziyade devlet içinde alınğan kişi yaşay. On biñlerce köçip kelgen kişi Frankivsk vilâyetinde mesken tapmağa becerdiler.

Ükümetçiler, telükeli bölgelerden qartlarnıñ bulunğanları İvano-Frankivsk qartlıq pansionatını ziyaret ettiler. Ziyaret çerçivesinde Kolomıya şeerinde devlet içinde alınğan kişilernen körüşüv, “İçitmaiy şeerçik” leyhasınen tanıtuv oldı. Bundan ğayrı, köçip kelgenlerni qabul etmege azırlanğan DAKniñ kompaktlı yaşağanları yerler teşkerildi. Şu cümleden, uzun vaqıtlı meskenge ayırılğan İvano-Frankivsk sport litseyi ve Zakarpattâdaki köçip kelgenler içün şelter.

“Qış mevsimi başlamadan evel ükümet içün em köçip kelgenlerniñ, em de olarğa mesken bergenlerniñ ihtiyaclarını tayin etmek müimdir. Bu insanlarğa yardımcı olmaq içün elinden kelgeni yapmaq müimdir. Devletniñ ğarbındaki qabul etken bölgelerniñ, telükeli böleglerden tahliye etmege devam etken ukrainalılarnı qabul etmege azır olğanını inanmaq ta müimdir”, – dep İrına Vereşçuk qayd etti.