Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Reintegratsiya ve gumanitar minasızlaştıruv direktoratınıñ baş direktorı Denis Tatsiy ve baş direktornıñ muavini Svitlana Avramenko, Cenevrede kerçekleştirilgen minağa qarşı faaliyetler XIII Tehnologik seminarında içtirak ettiler. Anda patlayıcı şeylernen kirlengen topraqlarnıñ minasızlaştırıluvı muzakere etildi.

Seminarda minalar ve patlayıcı şeylernen topraqlarnıñ kirlenmesine oğrağan Hırvatistan, İtaliya, AQŞ, Şveytsariya, Almaniya, Iraq, Lübnan, Somaliya ve başqa devletlerniñ vekilleri iştirak etti.

Böylece, Reintegratsiya nazirliginiñ vekilleri halqara ortaqlarnen minağa qarşı faaliyetler saasında tedbirlerniñ azırlanması ve kerçirilmesinen bağlı tecribesini paylaştılar. Bu, gumanitar minasızlaştıruv, topraqlarnıñ teşkerilmesi, malümat berüv/oqutuv ve zarar körgen insanlarğa yardım saaları üstünde toqtaldı.

Bundan ğayrı, seminar iştirakçileriniñ diqqatı topraqlarnı minasızlaştırmağa yardım etken zemaneviy tehnologiyalarnıñ qullanılmasına celp etildi. Olarnıñ arasında minanıñ qırırılması raqamiy sistemaları, virtual kerçeklik programmaları, em de balalarnı minalar ve patlayıcı şeylernen özüni tutuv qaidelerini ögretmesi içün mobil aletlerdir.

Böyle yañartmalar, minasızlaştıruv esnasını tezleştirmege imkân berecek, em de olarnı telükesiz yapacaq ve topraqlarnı tamamen minalardan temizletmege yardım etecek.

2021 senesiniñ ilk yarımyılı içinde Reintegratsiya nazirliginiñ hadimleriniñ Donetsk ve Lugansk vilâyetleriniñ 18 territorial cemiyetinde 50den ziyade malümat-añlatma mina telükesi tedbirlerini keçirgenini hatırlatamız.

Bundan ğayrı 2021 s. oktâbrdan noyabrğa Kıyıv, Dnipro, Odesa, Harkiv ve İlbav şeerleriniñ demiryol stantsiyasında Reintegratsiya nazirligi tarafından azırlanğan «Mina telükesi aqqında malümat berüv» video filmçiginiñ yayınlanğanını hatırlatamız.