Yarından başlap Vitse*baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Arbiy esirlernen tutma meseleleri korrdinatsiya ştabınıñ başı oldı.

Onıñ baş vazifesi nedir? – bu organnıñ işiniñ meseleleri ve hususiyetlerini añlattı.

Onıñ fikrine köre, halqara gumanitar aqnıñ ve müessiselerniñ sisteması şimdi zemaneviyleştirilmeli ve mükemmelleştirilmeli. Çünki, misal içün, belli Cenevre şartnamesi 1949 senesinden başlap aslında çaılşmay.

“Dünya deñişti. Şimdiki cenkler – şartnameli olmay. Rusiye kibi böyle devetler, Cenevre şartnamesinde imzalanğan olğanına baqmadan halqara aqnı körmesizlikke uralar. Amma Rusiye, yapqanları şeyler içün tamamınen cevap berecek: arbiy cinayetler ve insaniyetke, grajdan ealige qarşı cinayetler. Faqat Qırmızı Haçnıñ Halqara eyyetiniñ vazifeleri ve missiyası kibi bu şartnameler yañıdan baqılmalıdır”, – dep İrina Vereşçuk halqara gumanitar aq saasındaki acele müessise islâatınıñ kerekligini bildirdi.

Reintegratsiya nazirliginiñ reberi añlattı ki, endi şo anda Ukrainadaki arbiy esirlernen tutma saasında kerekli normativ-uquqiy temeli, areketler yol-yoruğı azırlandı, Koordinatsiya ştabı teşkil ve cevapkâr kâtipler tayin etildi.

“Elbette rus ordusınıñ olğanı ne varvarlar, ne de ordamız. Halqara gumanitar aqnen qayd etilgeni kini çalışacaqmız. Ve deñiştirme fondunı mıtlaqa teşkil etecekmiz. Rus arbiy eserlerini deñiştirecekmiz ya da olar Ukrainada ceza alacaqlar”, – dep memur, arbiy eserlernen tutma sistemasınıñ işiniñ neticesi aqqında daa tafsilâtlı malümat berdi.

Faqat İrina Vereşçuk daa doğru malümat qoştı ki, rus akimiyeti öldürilgen askerleriniñ ve yaralanğanlarnıñ taqdirine qasevet etmey, olar cenk boşluğından alınmaylar. Neticesinde, böyle vaziyette, devletimizde apishanede olacaq askerler ve subaylarınıñ rus tarafınıñ ne qadar meraqlanacağını tahmin etmek zordur. Em esirlerniñ deñiştirilme şeklini de. Umumen, Rusiyeniñ şu anda endi ciddiy masştablarda olğan bu meselege munasebetniñ nasıl olacağı da.

“QHHEniñ çekilgeni arbiy eserlerni deñiştirme sisyeması işley. Er bir esir içün mahsus bir varaqa toldurıla, olar Qırmızı Haçqa yollana. Endi cedvellerni kördim, RFnıñ cenkke yollağanı balalarnıñ doğğan seneleri meni şaşırdılar: 2002, 2003… Men şoktam. Çünki bunıñ, Rusiyeniñ ihtisasiy ordusı olğanı keçenlerde aytıldı, amma aslında balalar cenkleşeler“, – dep İrina Vereşçuk tefsir etti.