Vilâyet arbiy memuriyetlerine işdeşliginde Reintegratsiya nazirligi, mahsus baquvğa ihtiyac duyğan az mobil olğan vatandaşlarnıñ cebege yaqın zonalarından tahliyesini teşkil etmege devam ete.

Şu cümleden, Zaporijjâ heriatrik qartlar evinden 250 qart ve beden imkânları sıñırlamalarınen insannı tahliye etmege becerdi.

Bu ay boyunca Dnipropetrovsk vilâyetinden 250den ziyade, Harkiv vilâyetinden ise 100den ziyade kişi tahliye etti.

BMTnıñ dünya aşayt programmasınen Reintegratsiya nazirliginiñ işdeşligi yardımınen az mobil olğan ukrainalılar azıq mahsulat alacaqlar – aşnıñ miqdarı, üç ay içün kişilik normasına mücibi berilecek.

Endi bu afta Hmelnıtskıy vilâyetiniñ 27 mahsuslaştırılğan müessisesi azıq mahsulat alacaq. Bundan soñ İvano-Frankivsk vilâyetindeki 22 bu tür müessiseni temin etmege planlaştırıla.

Az mobil olğan vatandaşlarnıñ telükeli bölgelerden tahliye mesleleriñiz olsa, Reintegratsiya nazirliginiñ 15-48 sıcaq hattına hitap etiñiz. Ya da Reintegratsiya nazirliginiñ tahliye etmege ve gumanitar yardımnı almağa yardım etken çat-botunı qullana bilrisiñiz.