Bugün Kupyansk şeerinde çoq aydan soñ ilk kere Ukrpoştanıñ statsionar bölügi çalışmağa başladı. Mında Reintegratsiya nazirligi, Ukrpoşta ve Ukrainadaki Qırmızı Haç Teşkilâtınen ortaq leyası çerçivesinde şeerniñ sakinleri pensiyalar ve naqıt yardım – kişilik 1200 grn endi alına.

Daa insanlar posılkalarnı ala ve yollaya, eñ esas şeylerni – azıq mahsulattan gigyena eşyalarına qadar ala bilirler.

Bugünge qadar – şeer işğalcilerden azat etilgen soñ – Ukrpoştanıñ mobil bölüklerinde Kupyansklılar hızmet ala ediler.

Yaqın kelecekte Kupyansk şeerinde poçta alâqasınıñ milliy operatorı daa bir statsionar bölügini açmağa planlaştıra. Vaziyet telükesiz olur olmaz – işğalden azat etilgen soñ Vovçansk şeerinde ilk bölükni çalıştırmağa planlaştıra.

Umumen Harkiv vilâyetiniñ işğalden azat etilgen topraqlarında bir qaç statsionar bölügi endi bar. Şu cümleden, üçü – İzüm şeerinde, biri ise Borova şeerindedir. Etraftaki köylerge ise mobil bölükler pensiya ve para yardımını ketireler.