Ukraina Prezidentiniñ ofisindeki neticeler brifingi vaqtında Vitse baş nazir İrina Vereşçuk, mart ayınıñ 20-sindeki tahliye vaziyetini ve gumanitar koridolarnıñ işini añlattı. 7 gumanitar koridordan tek 4 işlegeni aqqında daa doğru ayttı.

Donetsk vilâyeti

 Mariupoldan Zaporijjâ şeerine, Berdânsktan avtobuslarnen ve şahsiy maşnalarnen deyerli 4 biñ kişi keldi.

Mariupolılarnıñ Berdânsktan tahliyesi içün endi Zaporijjâğa ketken 11 avtobus qullanıldı.

“Yarın saba Mariupol yönelişine Zaporijjâdan daa elli avtobusnı yollamağa planlaştıramız”, – Vitse baş nazir dep daa tafsilâtlı malümat berdi.
Berdânsktaki avtobuslarğa binme esas yeri – şeer sport kompleksi ögündeki Melitopolske şose sq., 27 boyunca meydandır.

Şeerinde «sıcaq hat» işley:

+38 050 439 75 29;
3-62-76 ve 3-52-52.

Vaqtınca mesken ve Zaporijjâğa tahliye içün telefon ete bilirsiñiz.

İrina Vereşçuk, bazı avtıbuslarnıñ yarın kelip Mariupollılarnı Manğuş şeerinden ve hususan Melekınodan, Manğuş rayonındaki yalıboyu meskün yerlerinden tahliye etmesi içün bugün aytışmalarnıñ keçirilgenini ayttı.

“Daa bir kere aktsent yapmağa isteyim, Berdânskta marşrut boyunca ketken mariupolılarnıñ şahsiy maşnalarına benzin qoymağa devam etemiz”, – Vitse baş nazir dep hatırlattı.

Benzin qoymaq içün yerler: Shidnıy caddesi, 4а ve Melitopolske şose sq., 87b.

Kıyıv vilâyeti

 Bobrık köyünden Brovarığa 2 biñ kişi tahliye etildi;
 Tarasivka köyünden Brovarığa 1,3 biñden ziyade sakini tahliye etildi;
 Borodânskadan Bila Tserkva şeereine tahliye yañıdan bozuldı – endi eki kündir – işğal ordularınıñ tınç rejimini bozğanı içün.

Harkiv vilâyeti

Harkivden Roğan qasabasına gumanitar yardım ketirildi. Aynı zamanda, Mala Roğan qasabasına yardımnıñ ketirilmesi bozuldı.

“Hafiyelerimizden işğal ordusınıñ planlaştırğanı provokatsiya aqqında malümat aldıq, – İrina Vereşçuk dep haberdar etti. – Olarnıñ gumanitar sutunı zapt etmek niyeti bar edi. Yazıq ki, işğalcilerniñ Vovçansk şeeri içün gumanitar yardım sutunınen bağlı böyle planlarınıñ aldını alamadıq”.

Böylece, bütün añlaşmalarğa baqmadan işğalci özüni terrorcı olaraq tutmağa devam etmekte, dep Vitse baş nazir qayd etti.
“İnsanlarımıznıñ qaytarılması aqqında aytışmalar keçiremiz“,- dep bildirdi.