Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 21-inde ilân etilgen ve kelişilgen 8 gumanitar koridordan tek 7 kerçekleştirilgenini haberdar etti. 8 biñden ziyade tınç yaşağan vatandaş bu imkânnı qullanaraq telükeli yerlerden ketti.

DONETSK VİLÂYETİ

• Mariupoldan Zaporijjâğa 3 biñden ziyade Mariupollı keldi.

Şimdi Zaporijjâda er keske kerekli yardım berilmektedir.

«Toprağımızda putinniñ yaratqanı şu ceennemden insanlarnı çıqarmağa yardım etmek içün imkân ve imkânsız şeyler yapqan bizim göñüllilerimizge teşekkür bildirmege isteyim!» – dep memur qayd etti.

• Berdânsk şeerine 26 avtobus insanlarnı ketirdi.

Mariupolğa marşrut boyunca blok noqtalarında işğal ordusınıñ yaratqanı zorluqlar, avtobularğa insanlarnıñ toplanma yerlerine tez ketmege mania ola, dep İrina Vereşçuk dep qayd etti.

DİQQAT! Berdânsktan ve Manğuş VTCnıñ meskün yerlerinden, bu cümleden Melekino ve Nikolskeden tahliye yarın saba saat 9.00dan 11.00ge qadar olacaq.

• Zaporijjâdan marşrutqa daa 27 büyük avtobus yollanacaq.

Vitse baş nazir haberdar etkeni kibi, yarın Berdânskqa daa çoq benzinniñ ketirilmesinen bağlı mesele şu anda çezilmekte – bedava benzin qoyulma, öz naqliyatınen ketken Mariupollılarğa yardım etecek.

Memurnıñ sözlerine köre, Mariupollılarğa kerekli tün yardımnıñ berilgeni Berdânskta ştablarnıñ çalışmaları devam etmekte: aş, tibbiy mesleatlar ya da ilk baqınuvlar, em de raatlıq yerleri.

KIYIV VİLÂYETİ

• Velıka Dımerka qasabasından marşrut vastasınen deyerli 4,4 biñ insan tahliye etildi: tahliye avtobuslarına pek çoq şahsiy maşna qatıldı;
• Buça ve Vorzelden marşrutı vastasınen 380 kişi tahliye etildi ve gumanitar yardın – azıq mahsuları, ilâçlar, urba ketirildi;
• Kozarovıçı köyünden Vışğorod şeerine tahliye, yazıq ki, olmadı – işğal ordusı sutunnı ateşke tuttı ve insanlarğa çıqmağa izin bermedi.

LUGANSK VİLÂYETİ

• Lısıçansk, Severodonetsk ve Gİrske şeerlerinden Bahmut şeerine gumanitar koridor vastasınen 300den ziyade insan tahliye etildi. Bundan ğayrı, bu meskün yerlerge 200den ziyade tonnalıq gumanitar yardım ketirildi.

İrina Vereşçuk daa yahşı bir haber añlattı: tünevin Harkiv vilâyetiniñ Vovçansk şeerine gumanitar yardımnı ketirmege tırışqan aydayıcılar ve “acele yardım” taqımı bugün azat etildi.

«Olar, cenk zamanlarında vatandaşlıq borcunı yerine ketirgen kerçekten cesür, merd insanlardır. Er kes kibi: avtobuslarnıñ ve yük maşnalarınıñ aydayıcıları, FVDHnıñqurtarıcıları, “acele yardım” taqımları, politsiya – añlı tarzda ayatlarını ve sağlıqlarını muhatarağa atılalar ve insanlarımıznıñ er kün arbiy areketlerniñ devam etkeni şeerlerinden çıqmalarına yardım eteler. Çalışmañız içün başımnı egmege ve teşekkür bildirmege isteyim, sevgiki qurtarıcılarımız! Siz bizim qaramanlarımızsıñız!», – İrina Vereşçuk dep qayd etti.

O qayd etti: biz epimiz daa bir kün başımızdan keçirdik. Ve böylece – epimiz beraber ğalebege doğru daa bir künge yaqın oldıq!