Cenk vaqtında gumanitar yardımğa dair göñülli ve devlet teşebbüslerini birleştirmek içün Ukrainada resmiy platforma – “SpivDiia” («СпівДія») (spivdiia.org.ua) yaratıldı.

“SpivDiia”, göñüllilerniñ ve em yardımnı bergenlerge, em de onı alğanlarğa telükesizlikni kefalet etken devlet akimiyet organlarınıñ teşebbüsidir.

“SpivDiia” göñülli birleşmesi, Ukraina Prezidentiniñ Ofisiniñ yardımınen Ukrainanıñ vaqtınca işğal etilgen topraqlarınıñ reintegarstiya meseleleri nazirliginen, Ukrainanıñ cemaatı ve topraqlarınıñ inkişaf nazirliginen, Ukrainanıñ sağlıq qoruma nazirliginen ve Ukrainanıñ yaşlar ve sport nazirliginen beraber idare etilir. Platformanıñ yaratılması, Ealige yardım etmesini semereli olaraq teşkil etmek içün gumanitar ve içtimaiy meseleler kooridnatsiya ştabınen beraber göñülliler tarafından teşebbüs etildi.

Mezkür platformanıñ esasında şahsiy kişiler, göñülli teşkilâtlar ve fondlarnıñ işdeşligi yaratılır. Verifikatsiya etilgen göñülliler şimdiki zaman rejiminde vatandaşlarğa yardım eteler – ihtiyaclar ve mevcut menbalar aqqında malümat toplaylar, eñ çoq ihtiyac duyğanlarğa acele olaraq gumanitar yardımnı ce tibbiy malzemelerini yollaylar. Bu cümleden: mecburen devlet içinde alınğan kişilerni qabul etken ealige ve göñüllilerge, müessiselerge, şelterlerge.

Yaqın zamanda yaş merkezlerniñ ve cemiyet teşkilâtlarnıñ esasında “SpivDiia Habları” açılacaq – iştirak etmege ihtiyac duyğanlarnen tez işdeşligi içün, ilâve içtimaiy hızmetlerniñ yaratılması içün de.

Qaysı yardım berilir? 

⁃ Gumanitar yardım: aş, gigiyena eşyaları, urba, minderler, ev tehnikası v.i.

⁃ Tibbiy resurslar: ilâçlar ve aletler.

⁃ Gönülli kişisel qatılım ve mülk yardımı: gönüllüleri çekmek, anbar bermek, naqliyat.

⁃ Maliyeviy yardım: kerekli resurslarnı almaq içün para yollamaq.

⁃ Hızmet yardımı: halqara yük maşna taşılması sırasından sıñırnı keçken ve gumanitar yükni taşımaq içün çetelge ketme arizalarını bere bilgen askerlikke celp etme 18den 60ğa yaşlı erkek aydayıcılarnıñ iştiraki.

Böylece, yardımğa ihtiyac duyğan vatandaşlar ya da teşkilâtlar saytta muayyen formanı toldura bilirler.

Kelecekte Koordinatsiya habınıñ mütehassısları, ricanı tasdıqlamaq içün telefon etecekler. Arizalar kritiklik ve vaqıt sırasında baqılır.

Gumanitar ya da tibbiy resurslarğa saip olğan şahsiy kişiler ya da göñülli teşkilâtlar da, platforma vastasınen Koordinatsiya ştabınıñ mütehassıslarınen bağlanıp yardımını teklif ete bilirler.

Daa naqliyat saipleri, şahsiy kişiler ya da naqliyat şirketleri yengil maşnalarnı, yük maşnalarını, avtobuslar ve mikroavtobuslarnı bere ve devletler arasında ya da yaşağanı vilâyetniñ, şeerniñ ya da köyniñ sıcaq noqtalarına taşılmalar içün aydayıcı olaraq qayd ete bilirler.

Saytta daa tafsilâtlıca oquñız.