2021 s. dekabr ayınıñ 17-sinde saat 14:00te Yaşlar içün mesken binalarını quruvğa yardım etken devlet fondu, «Devlet içinde alınğan kişiler içün mesken binaları» leyhası çerçivesinde kredit namzetleri arasından dörtünci qazanğanlarnı saylaycaq.

Protsedura, Halqara mesleatçı (IPC GmbH) tarafından teklif etilgen, KfW tarafındanuyğunlaştırılğan ve şahsiy malümatlarnıñ qorçalanmasına dair qanunlarnıñ talaplarına uyğun olğan RandomPicker programm teminlenüvi qullanılaraq, tesadufiy sayı generatorı yardımınen tesadufiy saylav yapılaraq kerçekleştirilecektir.

Qayd etilgen namzetlerden 150 qazanğannıñ saylanmsı planlaştırılır.

Saylav neticelerine köre, Yaşlar içün mesken binalarını quruvğa yardım etken devlet fondunıñ regional idareleri kelecek iş kününe qadar qazanğanlarğa Protsedurada belgilengen vesaiqalarnı bermek kerkligini bildirecek.

Bundan ğayrı, kerçekleştirilgen saylavda qazanğanlarnıñ cedveli, Yaşlar içün mesken binalarını quruvğa yardım etken devlet fondunıñ ve regional idarelerniñ resmiy saytında yayınlanacaqtır.

Namzetler sicilinde qayd etilgenler arasından qazanğanlarnıñ saylanmasını er taraflı nezaket altında tutması içün saylav esnası, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ vekilleriniñ, Halqara mesleatçınıñ ve Yaşlar içün mesken binalarını quruvğa yardım etken devlet fondunıñ qatılımınen kerçekleştirilecektir.

Saylavnıñ canlı yayını YouTubedeki Yaşlar içün mesken binalarını quruvğa yardım etken devlet fondunıñ kanalında olacaq.

Diqqatıñıznı celp etemiz!

Sicilniñ şekillendirilmesi bir kün içün toqtaycaq, onıñ devamında Namzetler sicilinde qayd etilgenler arasından qazanğanlarnıñ saylanması kerçekleştirilir.

Arizalar, Diia portalı yardımınen berilmektedir.

Hızmetniñ tehnikiy kerçekleştirilüvi, Ukrainanıñ raqamlı transformatsiya nazirligi yardımınen oldı.