Leh TVP Worldğa intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk hatırlattı ki, Belarusnıñ cenkke qatılması şimdi çoq mütehassıs laf eteler.

“Anda mevcut akimiyetniñ diktatorlığı, ülkeniñ poligon olaraq ve ealiniñ da canlı küç olaraq qullanılmasına yol aça bilir, – dep İrina Vereşçuk ayttı. – Amma kesin olaraq bilemiz: belaruslar ücüm etmege istemeyler, çünki olarnı öldürmege mecbur olacağımıznı añlaylar. Ve mında bir ekilem qarşı çıqa: diktatocısı lukaşenkonıñ tesirinden qurtulmağa ve onıñ cinaiy emirlerine qarşı çıqmağa azırlarmı?”, – dep Vitse baş nazir qayd etti.

O qoştı ki, şimdi eki devletimiz arasında bazı müessiseler arası bağlar mevcuttır.

“Men, misal içün, Ukraina ve Belarus ükümetlerarası eyyetinde reberlik yapam. Amma tamamınen iqtisadiy ve siyasiy mevzularda bir dialog yapalmaymız, çünki bu taraftan çoq telüke bar. Rusiye, Belarusnıñ anşlüsini yaptı ve, yazıq ki, anda er bir qarar putin bere,” – dep İrina Vereşçuk hulâsa çıqardı.