Vitse baş nazir İrina Vereşçuk, Ukraina Silâlı Qvetleriniñ ihtiyacları içün zırhlı yelekler, demir başlıqlar ve başqa mazlemealetleriniñ kirsetilmesi yañı yol-yoruğını añlattı. Olar, gumanitar yardım olaraq sayılır.

İrina Vereşçuk, cenkniñ başlanğıcından Ukraina Nazirler Kabinetine, Silâlı Quvetlerniñ ihtiyacları içün çet memleketlerden amunitsiya, qorçalama aletleri ve başqa kerekli malzeme eşyalarını ketirgen göñillilerniñ hitaplarınıñ çoqlaşqanını hatırlattı. Ketirilmesi içün mevcut yol-yoruq, bu ceryannı müim şekilde yavaşlata edi.

«Bunıñ içün bugün Ükümet “Cenk vaziyeti vaqtında Ukrainanıñ gümrük sıñırından gumanitar yardımnıñ keçirilme bazı meseleleri” qararında deñişmeler kirsetti. Biz, zıhlı yelek ve demir başlıqlarnı gumanitar yardımnen eş añlamlı yaptıq. Olarnı sıñırdan ketirmek içün tek beyaname kerekli olacaq-», – dep İrina Vereşçuk añlattı.

Qararda yapılğan deñişiklikler, aşağıdaki mallarnıñ italâtını pek qolaylaştırır:

– zıhırlı yelekler içün pilâkiler;

– grajdan olmağan maqsatlı taşıla bilgen radio stantsiyaları;

– uçucısız uçaq aletleri;

– grajdan olmağan maqsatlı kvadrokopterler;

– dürbinler;

– optik borular;

– grajdan olmağan maqsatlı monoközlükler;

– kolimator nişanları;

– optik nişanları;

– sıcaqlıq kameraları;

– gece körme aletleri.

«Artıq bu mallarnı ketirmek içün tek soñ qullanıcı kefalet mekübi kerek. Tel ital ve yardım eteyik!-» – dep Vitse baş nazir hulâsa çıqardı.