Televizyon yaynlarından birinde Ukraina vitse baş naziri İrına Vereşçuk bunı bildirdi. Onıñ sözlerine köre, Yañı sene bayramından evel Naziler Kabineti, İcra akimiyeti ve öz idare organlarınıñ işğalden azat etilgen topraqlarnı yañıdan quruv areketleri planını tasdıqladı. 

Baş nazirniñ emrinen Reintegratsiya nazirligi mezkür vesiqa azırladı. O, işğalden azat etilgen topraqlarda kelecek faaliyet içün esas yol köstericidir.

O, bir qaç acele tedbirleni esapqa alır: topraqlarnı minasızlaştırmaq, akimiyet ve uquq qorçalayıcı faaliyetni, grvina qullanuvını ve hazine idaresini yañıdan tiklemek, içtimaiy ödemeler ve pensiya yañıdan bermek, aşayt mahsulatı, ilk kerekli eşyalar, ilâç, tibbiy yardım v.b. ile temin etmek.

“Dekabr ayınıñ 30-ında Ukraina Nazirler Kabineti devlet ve icra akimiyeti, yerli öz idare, FVDH, uquq qorçalayıcılar ve işğalden azat etilgen meskün yerlerde bulunğan bütün organlarnıñ arekertleri planını tasdıqladı. Er kes cevapkârlıq ve işniñ miqdarını bile. Bizim şeerlerimiz ve köylerimizge tam qıymetli yaşayışnı qaytaramız”, – dep vitse baş nazir hulâsa çıqardı.