Ukraina Vitse baş naziri İrina Vereşçuk, bugün içün tahliye ve gumanitar koridorlarğa dair planlarını añlatıı.

DONETSK VİLÂYETİ

• Mariupoldan Zaporijjâ şeerine – öz naqliyatınen.

Daa mariupollılarnıñ Berdânsk şeerinden tahliyesi içüm şimdi Zaporijjâdan 34 avtobus çıqtı.

“Aqşamğa qadar şeerge ketecegini esapqa alamız. İşğalcilernen añlaşmayaraq tünevin Berdânsktan 880 mariupollını tahliye etmege becerdik, – dep İrina Vereşçuk añlattı. – Olarnıñ ketme meselesi tez rejiminde çezile edi. Aydayıcılarımızğa ve FVDHniñ işçilerine cesürligi içün teşekkür bildirem!”

DİQQAT! Hatırlatamız ki, Berdânskta Melitopolske şose sq. 87b adresinde mariupollılar öz maşnalarına bedava benzin qoya bilecekler. Daa yardım bermek içün Berdânskta gumanitar ştablar çalışmaqta.

Gumanitar şatblarnıñ alâqa malümatı:

• 3-62-76, 3-52-52;
• 0975515917;
• 0504397529.

Daa kerkli malümat ögrenmek içün mariupollılar Zaporijjâdaki telefon merkezine muracaat ete bileler:

• (095)220-41-11;
• (067)220-41-12;
• 0800-503-508.

 ZAPORİJJÂ VİLÂYETİ

• Melitopoldan Zaporijjâğa.

Saba Zaporijjâdan avtobuslar ve gumanitar yardım endi çıqtı. Olarnıñ yerine ketme vaqtı blok noqtalarını keçme vaqtına bağlıdır. Şeerge ketip avtobuslar FVDHniñ 10. bölügi (Alekseyeva sq., 12) yanında insanlarnı toplaycaqtır.

• Saat 10-dan Enerğodar şeerinden Zaporijjâğa FVDHniñ maşnalarınıñ ozğarmasınen öz naqliyatınen insanlar sutunı ketecektir.

Sutunnıñ şekillenme yeri: şeer şurası ögünde, Kurçatova sq., 14. Daa FVDHniñ ozğarmasınen Zaporijjadan Enerğodar şeerine gumanitar yardımnen yük maşnaları sutunı yollanacaqtır.

“Bugün içün bu tüm gumanitar koridorlar, çalışamız!“, – dep İrina Vereşçuk hulâsa çıqardı.