Vitse baş nazir İrina Vereşçuk, mart ayınıñ 31-i içün gumanitar koridorlarğa dair iş planını haberdar etti.

O daa tafsilâtlı ayttı ki, bugün aqşam Halqara Qırmızı Haç Eyyetinden beyanat alındı: rusiye federatsiyası, Berdânsktan tranzitnen Mariupol şeerine gumanitar sutunğa yol bermege azıq olğanını tasdıqlay.

Böyleceü Mariupolğa marşrutı boyunca 45 avtobus yollanacaq. Daa 28 ise Vasılivka şeerindeki blok noqtasını keçmek içün izin alacaq olmalı.

Daa 17 avtobus Zaporijjâdan endi çıqtı.

«Bugün avtobuslarnıñ Mariupolğa kelip şeerden ketemegen insanlarnı tahliye etmesi içün mümkün olğan er şey yapacaqmız», – dep Vitse baş nazir qayd etti.

Onıñ sözlerine köre, bugün içün daa 2 gumanitar koridor kelişildi:

– gumanitar yardımnıñ ketirilmesi ve insanlarnıñ Melitopoldan tahliye etilmesi:

– insanlar sutunıñ Enerğodardan Zaporijjâğa öz naqliyatınen ketilmesi.

«Zaporijjâğa keri qaytqanda Mariupol ve Melitopoldan gumanitar sutunlarğa öz naqliyatınen insanlar qatıla bilirler, – dep İrina Vereşçuk hulâsa çıqardı. – Askerlerimiz, ateşni qapatmaq rejimini tamamınen tasdıqladılar ve onı kefalet eteler».