Mariupol şeeriniñ meri Vadım Boyçenko, Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçukqa ve mariupollılarnıñ tahliyesinen bağlı er keske teşekkür bildirdi. Aprel ayınıñ 1-inde aqşam maalinde 2 biñden ziyade mariupollı avtobuslar ve öz naqliyatı vastasınen Zaporijjâğa kele bildi. Gumanitar koridornıñ işlegeni zor şartlarğa baqmadan.

«Esas vazifemiz, şeerniñ tüm sakinlerini qurtarmaqtır. Tahliyesiniñ devam etmesi içün elimiden kelgeni er şey yapamız. Mariupollılarımızğa ayrıca teşekkür bildirem. Siz kerçekten qaramansıñız, çelik kibi tabiatqa saipsiñiz!» – dep Vadım Boyçenko qayd etti.

Bugün saba Zaporijjâdan Berdânskqa FVDHnıñ ozğarmasınen 10 avtobustan ibaret olğan qoşma tahliye sutunı  endi çıqtı. Bu naqliyat, bloklanğan Mariupoldan insanlarnıñ qurtarılmasına da qatılacaqtır.