Cenk başlağandan berli halqara ortaqları Ukrainağa 113 mlrd yevrodan ziyade para berdi. Mezkür para, ecnebiy ülkelerniñ ükümetlerinden arbiy, maliyeviy ve gumanitar yardımdan ibarettir. Kilsk dünya iqtisadiyatı institutınıñ araştırmasında bu kösterildi.

Halqara yardımnıñ miqdarını nezaret etken Ukraine Support Tracker sistemasınıñ bilgilerine köre, Ukrainanıñ donorları 40 ülke oldı. Avropa Birligi deyerli 52 mlrd yevro, AQŞnıñ yardımı 28 mlrd yevro oldı.

Donor ülkeler cedveline Büyük Britaniya, Kanada, Avstraliya, Yañı Zelandiya, Çin, Yaponiya, Norvegiya, Cenübiy Koreya, İsviçre, Tayvan, Türkiye ve İndistan qoşuldı. Olardan Ukraina 13 mlrd yevrolıq halqara yardım aldı.

Ayırılğan paranıñ yarısı, maliyeviy yardım ola, üçü – arbiy yardım, qalğan qısmı – gumanitar destektir.

Avropa Birligi, maliyeviy yardım saasında lider oldı. ABniñ aza ülkeleri ve avropa müessiseleri Ukrainağa deyerli 35 mlrd yevro bücet ihtiyaclarına bermege söz berdi.

Amerkia Qoşma Ştatları, arbiy destek saasında lider oldı. Amerika oratqlarınıñ arbiy yardımı endi 23 mlrd yevro oldı