Tek haberler marafonınıñ canlı yayınında Ukraina vitse baş naziri İrına Vereşçuk bunı bildirdi. Onıñ sözlerine köre, duşman ateş açmağa toqtamaycaq. Bunıñ içün tahliye meselesi aktual olmağa devam ete.

“Er kün tahminen 300 insan Herson şeeriden Hmelnıtskıy şeerinde badava tahliye treni vastasınen kete. Olarnıñ çoqusı qart, az mobil olğan, qadınlar ve balalardır. İhtiyac duyğan er kesni qarar berip, tahliye etmege çağıram. Biz, vatandaşlarnıñ tahliye etmeleri içün ne yerge hitap etmek ve ne yapmaq kerekligini añlatqan malümat yayınlaymız. Biz, qış keçirmesi ve kelcekte qaytıp bizim ana Herson, Harkiv ve Donetsk vilâyetlerimizni yañıdan qurmamız içün er bir telükeli bölgeden tamamınen bedava çıqmağa yardımcı olacaqmız”, – dep memur ayttı.

Hatırlatamız ki, er kün saat 15:27 Herson demiryol vokzalından Herson şeerinden Hmelnıtskıy şeerinde bedava tren çıqar. Qayd etmek ve minmek içün evelden (2-3 saat evel) ketmek kerek.

Avtobus vastasınen tahliye etmek içün Herson VAMniñ sıcaq hattına hitap etmek: 0 800 330 951, (091) 481-78-45 ya da Telegram messengerine yazmaq kerek. Bundan ğayrı, Helping to Leave göñülli teşkilâtınıñ Telegram-botu vastasınen istegiñizni bildire bilirsiñiz. Avtobusnen ketmek içün hitap etken er kes saat ve yer malümatınen sms-beyanatını alacaq.

Tafsilâtlarnı ögrenmek içün az mobil olğan kişilernen operator bağlanacaq. Göñülli gruppa, maqbul naqliyat vastasınen bu tür yolcularnı tahliye eter.