Duşman, tek arbiy areketler yerlerinde degil, em grajdan astyapı obyektlerinde, em kütleviy qullanma ve şahsiy evler topraqlarında da minalaştırma sebebinden masqaralı areketler daa çoq yapa.

Minalar ve başqa patlayıcı şeyler er bir yerde ola bilir – taşlanğan evlerde, soqaqlarda, bala meydançıqlarında, şeer tışı açıq boşluğında: çöllerde, ormanlarda, suvlarda, yol kenarlarında vb.

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, tiklengen ya da qaldırılğan patlayıcı cihazlar, patlamağan müimmat ve başqa arbiy şeyler yolunen grajdan ealiniñ yaşamalarına yönelik tehdidi ögüni almaq ve evelden yoq etmek maqsadınen eñ tarqatılğan mina qapqanları türleri aqqında bir malümat grafikasını azırladı.

Böylece, telükesizligiñizni kefil etmek içün mevcut tavsiyeler:

1. Devlet organlarınıñ da yerli akimiyetniñ resmiy izininden soñ eviñizge, işğalden azat etilden rayonlarğa qaytıñız.

2. Qaranlıq yerlerde qalmañız ve körmeyip iç bir şey açmañız.

3. Yalñızca teşkerilgen ve sert yüzlü yollarda ketiñiz. Ormalar ve çöllerde yürmeñiz.

4. Patlayıcı şeyni tapqanda – telükesiz bir mesafege ketiñiz ve 101 ya da 102 noremağa telefon etip mütehassıslarnı bildiriñiz. Mahsus hızmetlerniñ kelmesini bekleñiz ve tehdidini öz başına zararsız bir alğa ketirmege tırışmañız.

Hatırlatamız ki, Reintegratsiya nazirligi “Ranok” neşriyatınen beraber, patlayıcı şeyler tapılğanda özüni  telükesiz tutma qaidelerini añlatqan komiks şeklindeki “Mina telükesizligi işletme qaidelerisiz olmay” bala kitabını yayınladı.