Aprel ayınıñ 20-sinden itibarınen

Donetsk vilâyeti

​”Rus barışığı” Donbasqa yañıdan belânı çıqardı. Keçmişte işağlden azat etilgen bölgesinden yaşağanlar, cenkniñ bergeni zararnı easpalaylar ve ayatta qalmağa alışalar. 2014 senesinden işağl astında olğanlar, qanunsız “akimiyet”niñ nevbetiy “yañılıq”larına (benzin ve tibbiy hızmetler talonları, garfikke köre suv ve mecburiy mobilizatsiya) alışmağa zornen yetişeler.

Bugün Donetsk vilâyetiniñ eñ büyük meselesi suvdır. Şiddetli arbiy areketlerniñ devam etkeni Ukrainanıñ nezareti astında olğan toprağında 28 suv teminetı obyekti yoq etildi. Vilâyetiniñ 37 meskün yeri suvsız qaldı. Mariupolda çeşitli diametrli su borularınıñ 40 faizi tamamınen viran etildi.

Donetsk ve başqa şeerlerdeki vaziyet daa yahşı olmay. İşğal akimiyeti, insanlarğa grafikke köre içilmez tehnikiy suv berir, çünki atta bu tür suv er keske yetmez.

Bundan ğayrı, vilâyetinde 67,8 biñ bina ya bozuldı ya da yoq etildi. Olardan 2,9 biñi çoq daireli ve deyerli 65 biñ şahsiy binadır. Mariupolda ise 2,3 biñ çoq daireli ve 61,2 biñ şahsiy ev. Volnovaha şeer AGMniñ (75%) ve Olğıne qasaba AGMniñ (70%) mesken fondu eñ çoq viranelikke oğradı.

Soñ afta devamında  viran etilgen ya da bozulğan gaz teminatı obyektleriniñ sayısı deyerli eki qat arttı. Şu anda olarnıñ sayısı 65, bu cümleden 1 magistral gaz bırusı ve 3 orta basımlı gaz borusıdır. Böylece, Donetsk vilâyetiniñ otuzden ziyade meskün yeri ve Meriupolnıñ ve rayonınıñ 177 biñ abunesi gazsız qalır.

Bütün bu, şiddetli ateşlerniñ neticeleridir. Rus ordusı uçaqnı, balistik raketalarını, toplarnı ve bir adımlıq ateş reaktiv sistemalarını qullanmağa utanmay. Bu ücümler neticesinde 28 elektrik teminatı obyekti yoq etildi. Şu anda deyerli 188 meskün yer elektriksiz qaldı. Buna üç yizden ziyade demiryol obyektini, yigirmi köpürni ve kütleviy qullanma yollarındaki 20 köpürni qoşmaq kerek.

Mevcut vaziyetteki yerli eali içün tek bir mutlulıq bar: şiddetli suvuqnıñ olmaması ve yavaş yavaş isinme. Çünki cenk neticesinde “DQKE” VKMniñ 7 qazanlığı, Mariupolnıñ qızdırma ağlarınıñ 40 faizi, Mıkonivkanıñ qızdırma ağlarınıñ 70 faizi ve Avdiyivka KHZnıñ QES ya bozuldı ya da yoq etildi.

Şu anda nezaretimiz astında olmağan topraqlardaki vaziyetke dair tolu ve doğru isaiyat bermek imkânsızdır. Dercde Donetsk vilâyet arbiy memuriyetiniñ ve Donetsk Telegran kanallarınıñ malümatı qullanıldı.