Cian aşayt programması (CAP) – cenkniñ ilk künlerinden ukrainalılarğa faal olaraq yardım etken BMTnıñ eñ büyük gumanitar agentliklerinden biridir. CAP aşayt mahsulatınen yardım ete, devlet içinde alınğan kişiler ve ealiniñ başqa zayıf kategoriyaları içün para ödemeleri programması bar.

Cenk başlağandan berli CAP zor irişimli ve telükeli cebege yaqın rayonları ve işğalden azat etilgen topraqlarğa 137 biñ tonnalıq aşayt gumanitar yardımı ketirdi. Bundan ğayrı, CAP umumen 370 mln AQŞ dollarlıq para yardımını 2,2 million ukrainalığa ödedi. Agentlikniñ saytında yayınlanğan esabatta böyle bilgiler bildirildii.

Ukrainada CAP deyerli tüm aşayt mashulatını satın ala ve yerli ekmekçilernen işdeşlik yapa. Aşayt yardımınıñ büyük qısmı hastahaneler, bala evleri, internatlar, DAKniñ yaşağanları yerlerge yollana.

Hatırlatamız ki, Cian aşayt programmasınen beraber Reintegratsiya nazirligi, telükeli rayonlardan tahliye etilgen az mobil köçkenlerni aşayt mahsulatınen teminatınen bağlı orta gumanitar leyhanı yerine ketirmege devam ete. Deyerli 150 mahsuslaştırılğan müessisedeki tahminen 5 biñ vatandaş içün aşayt mahsulatı endi yollandı. Mezkür leyha devam ete ve kelecek sene de faaliyet kösterecek.