Baş nazir Denis Şmıgal, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ kollektivine yañı reber İrina Vereşçuknı taqdim etti.
«Nazirlikniñ quvetleştirmek kerek olğan müim bir iş yönelişi bar. Bunı yañı Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri yapacaq. Devletimizge Nazirlikniñ hadimleriniñ de muvafaqiyetlerini ve issesini qayd etmek isteyim. İrina Andriyivnağa Nazirlikte mevcut olğan meselelerni çezmege tileyim», — dep Denis Şmıgal bildirdi.
Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, idareniñ kolektivine devletke faydası içün Nazirlik çezecek şimdi bir qaç aktual meseleniñ olğanını qayd etti.
Noyabr ayınıñ 4-ünde Ukraina Yuqarı Şurası, İrina Vereşçuknıñ Vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri vazifesine tayinlenmesini tasdıqladı.
