2021 s. noyabr ayınıñ 5-inde Donetsk vilâyetinde RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyet, 28 viran etilgen mesken obyektine saip olğan daa 52 vatandaşqa para tazminatını bermege qarar berdi.

Böylece, 28 viran etilgen mesken obyektiniñ 14-ü Avdiyivka şeerinde, 8-i Maryinka şeerinde, 3-ü Opıtne qasabasında, 1-i Piskı qasabasında, 1-i Pervomayske qasabasında ve 1-i Novomıhaylivka qasabasında bulunmaqtadır.

Böylece, oturış neticesine köre 52 zarar körgen kişi 8 mln 182 biñ 328. 50 grivnalıq tazminatnı, yani bir viran etilgen obyekt içün 292 biñden ziyade grivna alacaq. Bir arizanı baqıluvı bir ay uzatıldı.

Reintegratsiya nazirliginiñ, Donetsk vilâyeti devlet memuriyetinen (vilâyet arbiy-grajdan memuriyeti), yerli özidare organları ve meskün yerlerni arbiy-grajdan memuriyetlerinen RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatını bermege devam etkenini qay etmek müimdir.

Umumen, 2021 senesiniñ başından berli Donetsk ve Lugansk vilâyetlerinde eyyetler, 340 mesken fondnıñ obyektlerine saip olğan 389 zarar körgen kişige 93 million 795 biñ 741 grivnalıq tazminatnıñ berilmesi aqqında qararnı qabul etti.

Bu sene Reintegratsiya nazirligi, RF silâlı tecavuzı sebebinden arbiy fevqulâde vaziyeti neticesinde viran etilgen mesken içün tazmin etme programmasına para berilüvini arttıracaq. Böylece, 2021 s. 300den ziyade qorantanıñ tazminatnı almasını beklenilir.