Bu, «Ukravtodor» («Укравтодор») avtomobil yolları devlet agentliginen beraber Ukrainanıñ vaqtınca işğal etilgen topraqlarınıñ reintegratsiya meseleleri nazirligi (Reintegratsiya nazirligi) tarafından “Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhasınıñ kerçekleştirilmesine dair endi Dünya Bankınıñ ekinci Missiyasıdır.

Bu missiyanıñ maqsadı, 2021 s. yanvar ayında başlanğan leyhanıñ kerçekleştirilüvi planınıñ maddeleriniñ yerine ketirilüviniñ statusını teşkermek ve 2022 s. kelecek altı ay içün iş planı aqqında kelişmektir. COVID-19 pandemiyanen bağlı karantin sıñırlanması sebebinden missiya online olacaq.

«Leyha, yerli yollar ağınıñ qurulması ve RF silâlı tecavuzı sebebinden zarar körgen Lugansk vilâyetindeki ukrain ükümetiniñ nezaret altında olğan topraqlarda  içün yatırımnıñ çekilmesini esapqa almaqta. Bu miliiy yatırımnıñ maqsadı, şarqiy Ukrainanıñ zarar körgen cemiyetlerindeki iqtisatnı ve bölgeni ğayrıdan tiklemek ve Rusiyeniñ başlanğanı cenk sebebinden bölüngen topraqlarnı birleştirmektir», – Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ devlet kâtibi, Reintegratsiya nazirliginden 3V leyhasınıñ koordinatorı Konstântın Vaşçenko dep bildirdi.

Reintegratsiya nazirliginiñ reberlerinden ğayrı iş körüşüvlerine Dünya bankınıñ vekilleri, nazirlik ve Avtomobil yolları devlet agentliginiñ leyhanıñ yerine ketirilüvi gruppaları, Azıq mahsulatı telükesizligi ve istimalcılarnıñ aq-uquqlarını qorçalav meseleleri Ukraina devlet hızmetiniñ, Agrar siyaseti ve azıq nazirliginiñ, Lugansk vilâyet devlet idaresiniñ – arbiy-grajdan idaresiniñ, Severodonetsk şeer AGİniñ, Lugansk vilâyetindeki Starobilsk territorial cemiyetiniñ vekilleri qoşuldı.

«Dünya bankınıñ missiyasınıñ vazifesi, leyhanıñ yerine ketirilüvi qaysı etapında olğanımıznı talil etmektir. Lugansk vilâyetinde yaşağan insanlarnıñ 3V leyhasınıñ neticelerini eñ yaqın zamanda körecegini istegenimiz içün bu pek müimdir», – ilk iş körüşüvinde Dünya bankından leyhanıñ reberi Erik Conson dep qayd etti.

Missiya dekabr ayınıñ 8-ine qadar devam etecek. Bu vaqıt içinde Reintegratsiya nazirligi ve Ukravtodornıñ kerçekleştirüv gruppaları, yarım yıllıq leyhasınıñ kerçekleştirilüvi işinden esap bermeli ve kelecek yıl içün iş planını aqqında kelişmeli. “Şarqiy Ukraina: qavuştıruv, yañıdan quruv, ğayrıdan yaratuv” leyhası çerçivesinde Lugansk vilâyetindeki yollarnıñ 183 kilometrini ğayrıdan qurmaq, Starobilsk rayonında yañı zemaneviy agrologistika habını teşkil etmek ve Ukrainanıñ Ükümetiniñ nezareti altında olğan bu bölgeniñ topraqlarındaki köy hocalığı ve azıq mahsulatını telükesizlikke teşkermek içün zemaneviy laboratoriyanıñ qurulması planlaştırıla.

Rekonstruktsiya ve inkişaf halqara bankınen (Dünya Bankı) Ukrainanıñ “Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhasınıñ yerine ketirilmesi içün 100 million AQŞ dollarılıq ödünç aqqında añlaşmanı imzalağanını hatırlatamız. Leyhanıñ maqsadı naqliyat ağını yahşılaştırmaq, RF silâlı tecavuzı sebebinden zarar körgen cemiyetlerinen beraber leyhanıñ işlegeni topraqlardaki köy hocalığı saasınıñ ğayrıdan tiklenmesine yardım etmektir.