2021 s. noyabr ayınıñ 24-ünde “Sarı Bulat” KÇYKnden Ukrainanıñ Donetsk ve Lugansk vilâyetleriniñ vaqtınca işğal etilgen topraqlarına üç yük maşnası vastasınen 80-den ziyade tonnalıq gumanitar yük (azıq taqımları) ketirildi.

Resmen gumanitar yardım Cenevre Konventsiyalarınıñ Halqara Qırmızı Haç komitetiniñ global bücetine ödevler yapqan bütün aza devletlerinden berildi.

«Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Halqara Qırmızı Haç komitetinen (HQHK) devamlı işdeşligi içün teşekkür bildirmege isteymiz…» HQHKniñ Reintegratsiya nazirligine mektübinde yazılmaqta.

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ halqara gumanitar teşkilâtlarınen faaliyetli işdeşligi devam etecektir.