Bugün, 2021 s. dekabr ayınıñ 2-sinde Vitse-baş nazir — Ukrainanıñ vaqtınca işğal etilgen topraqlarınıñ reintegratsiya meseleleri nazirligi İrina Vereşçuk, «İgor Sikorskiy adına Kıyıv politehnika institutı» Ukraina Milliy Tehnika universitetini ziyaret etti.

İş körüşüvi vaqtında Reintegratsiya nazirligi ve Universitet, Tasil ve ilim saalarında işdeşlik memorandumını imzaladılar.

2017 s. daa Reintegratsiya nazirligi ve Ukrainada Britaniya Şurası yardımınen ilk kere «İ. Sikorskiy adına KPİ» Ukraina MTU esasında «İçtimaiy-siyasiy saadaki çatışmalarnı çezüv ve mediatsiya» tasil programması yaratıldı.

Bu vaqıttan berli 60 student, «Çatışmalarnı çezüv ve mediatsiya» tasil programmasını bitirip diplomnı aldı. Bu programmada oquğan farqlı kurslarnıñ studentleri, Reintegratsiya nazirliginde er sene ameliyat yapalar.