2021 s. dekabr ayınıñ 7-sinde Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ 2021 s. noyabr ayınıñ 23-ündeki 
№ 258 «memuriy sıñırdan taşınmağa sıñırlanğan ya da yasaq etilgen malnıñ ve şahsiy mülkiyet sayıla bilgen malnıñ cedveli ve kölemini (fiyat/ağırlıq/miqdar) tasdıqlama aqqında» emri qanuniy quvetini aldı.

Bu emirniñ esas vazifesi, grajdanlar içün vaqtınca işğal etilgen Qırım Muhtar Cumhuriyeti ve Aqyar şeeriniñ memuriy sıñırından keçüv esnasını azamiy tarzda sadeleştirmektir. Bu cümleden, emirde memuriy sıñırdan taşınmağa sıñırlanğan ya da yasaq etilgen malnıñ cedveli ve kölemini (fiyat/ağırlıq/miqdar) tasdıqlandı. Bu cedvelni bağlantığa basıp oquya bilesiñiz.

Bundan ğayrı, emirde Qırımnıñ memuriy sıñırından taşınmağa izin berilgen şahsiy mülkiyetniñ cedveline qullanılğan ve el bagajında ve ozğarğan bagajnen şahsiy mülkiyet olaraq taşınğan qullanılmağan malnıñ ait olğanı tasdıqlandı.

El bagajında ve ozğarğan bagajnen şahsiy mülkiyet olaraq taşınğan qullanılmağan malnıñ sıñırlanmaları:

– Ukrainanıñ nezareti altındaki topraqlardan vaqtınca işğal etilgen topraqlarğa – sıñırsız;

– vaqtınca işğal etilgen topraqlardan Ukrainanıñ nezareti altındaki topraqlarğa – bir kişi içün malnıñ cemi faktura fiyatı 10 000 grivnadan ve/ya da cemi ağırlığı 75 kilogrammdan ziyade olmamalı (azıq mahsulatı – er bir mahsulnıñ 2 kilogrammından ve azıq olmağan mahsulat – er bir masulnıñ 2 danesinden ziyade olmağan taqdirde).

Emirde hususiy şahıslarnıñ memuriy sıñırdan naqıt paranı taşıması de norlamandı. Böylece, hususiy şahıs memuriy sıñırdan 100 biñ grivnadan ya da memuriy sıñırdan keçkeni kündeki Ukraina Milliy Bankı tarafından tesbit etilgen kross-kursqa köre çetel valütasında 100 biñ grivnağa ekvivalent olğandan ziyade taşıp olamaz. Eger kişiniñ 100 biñ grivnasından ziyade olsa, kişi bu para nasıl qazanğanını tasdıqlağan vesiqanı bermege mecbur olacaq.