Lugansk vilâyetindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyet, zarar körgen 65 vatandaşqa para tazminatınıñ berilmesi ve olarnıñ umumiyleştirilgen cedvelge kirsetilmesi aqqında qarar berdi. Bu insanlar, viran etilgen mesken 4 obyektine saiptir.

4 viran etilgen obyektniñ üçü Tröhizbenka, biri ise Stanıtsâ Luganska qasabalarında bulunmaqtadır.

Böylece, oturış neticesinde 4 zarar körgen kişi 1,2 million grivnalıq tazminatnı, yani bir viran etilgen obyekt içün 300 biñ grivna alacaq.

Umumen, 2021 senesiniñ başından berli Donetsk ve Lugansk vilâyetlerindeki eyyetler, 384 mesken fondnıñ obyektlerine saip olğan 458 zarar körgen kişige 106 million 426 biñ 380 grivnalıq tazminatnıñ berilmesi aqqında qararnı qabul etti.

Noyabr ayınıñ soñunda Donetsk vilâyetindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyetniñ, 65 vatandaşqa 11,43 million grivnalıq para tazminatınıñ berilmesi aqqında qararnı qabul etkenini hatırlatamız.