2021 s. dekabr ayınıñ 9-ındaki oturışta Ukraina Nazirler Kabineti, devlet içinde alınğan kişilerge öz yaşama/bulunma yerini olnine şeklinde deñiştirmege imkân berecek qararnı qabul etti. Bunı yapmaq içün Diia portalına ketmek ve arizanı toldurıp, elektorn imzasınen imzalanıp yollamaq kerek olacaq.

«Ükümet, DAK içün içtimaiy hızmetlerniñ alınmasını mükemmelleştirmege ve qolaylaştırmağa devam etmektedir. Birazdan yaşama/bulunma yeriniñ deñiştirilmesi içün içtimaiy qorçalav organları ya da İdare hızmetler merkezleriniñ nevbetlerinde beklemege kerek olmaycaq. Raqam nazirligi ve İçtimaiy siyaset nazirliginen beraber azırlanğanımız yañı raqamiy mahsul vastasınen Diia portalını qullanaraq DAK çabik ve oñaytlı olaraq kerekli arizanı berip olacaq. Diia portalında arizanı baquv neticesi aqqında beyanatnı alğan soñ Diia qullanımında talap yerinde kösterile bilecek yañı yaşama/bulunma yerinen DAK yañartılğan elektron malümatnamesi peyda olacaq, – Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavinleri Snaver Seithalilev dep haber etti.

Bunıne beraber, yaşama/bulunma yerine köre vekâletli organlarda ya da İHMlerinde de DAK yañartılğan malümatnamesi yapıla bilecek.

“Bizim strategik maqsadımız,  vatandaşlarımıznıñ faydasına çalışacaq ve tek olarnıñ oñaytlığına oriyentirlengen avropaca oñaytlı devlet servislerini yatarmaqtır.” – Snaver Seithalilev dep qoştı.

Diia portalında DAK içün elektron hızmetleriniñ yaratılması, İsveçiyanıñ para yardımınen Ukrainada UNDP Ukraine tarafından kirsetilgen «Raqamiy, inklüziv, kelişikli: Ukrainada devlet hızmetleriniñ raqamiyleştirilüvine yardım (Diia yardım leyhası)» leyhası çerçivesinde yerine ketirmektedir.

Noyabr ayında Ukraina Nazirler Kabinetiniñ, devlet içinde alınğan kişiler içün Diia portalında para yardımını almağa devam etüv ya da onı bitirüv arizasını berüvge dair qararnı qabul etkenini hatırlatamız.