burger

Daa 41 vatandaş Donetsk vilâyetindeki viran etilgen mesken içün tazmin alacaq

Опубліковано 10 December 2021 року, о 11:20

Donetsk vilâyetindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyet, zarar körgen 41 vatandaşqa para tazminatınıñ berilmesi ve olarnıñ umumiyleştirilgen cedvelge kirsetilmesi aqqında qararnı qabul etti. Bu insanlar, 3-ü Piskı qasabında, 7-si Şırokıne qasabasında, 2-si Krasnogorlivka şeerinde, 6-sı Maryinka şeerinde, 6-sı Avdiyivka şeerinde ve 1-i Opıtne qasabasında yerleşken viran etilgen 25 obyektke saip olmaqtalar.

Böylece, oturış neticesinde 41 zarar körgen ukrain vatandaşı 7 million 292 biñ 850 grivnalıq tazminatnı, yani bir viran etilgen obyekt içün 291 biñ grivna alacaq.

Umumen, 2021 senesiniñ başından berli Donetsk ve Lugansk vilâyetlerindeki eyyetler, 409 mesken fondnıñ obyektlerine saip olğan 499 zarar körgen kişige 113 million 
719 biñ 231 grivnalıq tazminatnıñ berilmesi aqqında qararnı qabul etti.

Dekabr ayınıñ 8-inde Lugansk vilâyetindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyetniñ, 4 vatandaşqa 1,2 million grivnalıq para tazminatınıñ berilmesi aqqında qararnı qabul etkenini hatırlatamız.