2021 s. Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Levko Lukyanenko adına devlet stipendiyasını ödemege devam etmektedir. Dekabr ayında 3 ukrain vatandaşı böyle ödevlerni aldı.

Bu stipendiya alğan üç esir, bu zamanğa qadar vaqtınca işğal etilgen topraqlarda qanunsız olaraq Rusiye Federatsiyası ve işğal ükümeti tarafından tevqif olmaqtadır, olarnıñ yerine ödevlerni aqrabaları ve/ya işançlı şahısları aldılar.

Devlet stipendiyasını alğan insanlarnıñ cedveli №514/2019, 2019 s. iyül ayınıñ 11-inde Ukraina Prezidentiniñ qararınen tayinlendi.

Qoşma malümat. Levko Lukyanenko adına devlet stipendiyası, bu kişilerniñ içtimaiy ya da siyasiy faaliyeti sebebinden Donetsk ve Lugansk vilâyetlerindeki ve Qırım Muhtar Cumhuriyetindeki vaqtınca işğal etilgen topraqlarnı kontrol astında tutqan Rusiye Federatsiyası ya da RF işğal memuriyeti tarafından qanunsız olaraq tevqif olğan ukrain vatandaşları içün er ay üç yaşayış azğarınıñ miqdarında teyinlenmekte.

Siyasiy «Kremlniñ esirleri» qanunsız esirlikten azat etken soñ bir sene içinde delvet stipendiyasını alacaqlar.

Noyabr ayınıñ 17-sinde Ükümetniñ, Levko Lukyanenko adına stipendiyasını daa bir «Kremlniñ esirine» berilmesi içün Prezidentniñ baqıluvına bir teklif suğanını hatırlatamız.