KH «Popasna rayonı suv kanalı» yerleşken Bilogorivka qasabasına iş ziyareti vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçukqa obyektniñ rekonstruktsiya etapları añlatıldı.

Popasna suv kanalınıñ büyük yañartıluvı tahminen endi kelecek sene mart ayında başlanacaq. Bu, tek suv teminatınıñ keyfiyetini yükseltmege degil, em de rekonstruktsiyadan 5-7 sene soñ müessiseni kelirli olmağa imkân berecek.

«Temiz su, bizim sağlığımız, ve birinciden bizim balalarımıznıñ sağlığıdır. Bizim frenk ortaqlarımızğa can-yürekten minnetdarmız. Bu leyhanı kerçekleştirmege ğayret etmesi içün yerli ükümetke de teşekkür bildirem. Bu leyha çoq ceette astyapı içtimaiy leyhasınıñ muvafaqiyetli bir misalidir. Bu kibi leyhalar daa çoq olmalı», – dep İrina Vereşçuk qayd etti.

Lugansk vilâyetiniñ başı Sergiy Gayday, hususan obyektniñ rekonstruktsiyası içün Frenkistannıñ 80 mln yevro ayırğanını ve mayıs ayında ükümetler arası añlaşmanıñ imzalanğanını hatırlattı. Onıñ sözlerine köre, borcnıñ bir parçasını bermek içün qullanılacaq müim paranı iqtisat etmege imkân yaratacaq.

Suv kanalları üzerinde frenk profil şirketleriniñ çalışacağını qoşamız. Kredit elverişli şaraitnen alındı: 40 yıl içün, 15 yılı ise – 0,0092 % kredit berüvniñ yıllıq derecesinen imtiyazlı devirdir. Bu suv kanalı, Severskiy Donets özeniniñ üst çoqrağından ve yerastı çoqraqlarından suvnı almaqta, suvnı temizlemekte ve suvnı Lugansk vilâyetindeki Severodonetsk ve Şçastâ rayonlarında, em de vaqtınca işğal etilden topraqlarda yaşağan istimalcılarğa teslim etmektedir.

Şirket, dört terkibiy bölüginden: ĞSKS-1, 2, 3 köterilüvli istisal meydançıqlarından, «Svitliçansk departamenti» ayırılğan ast bölüginden, «Popasna departamenti» ayırılğan ast bölüginden, «Stanitsâ-Luganska departamenti» ayırılğan ast bölüginden ibarettir. Ağnıñ uzunlığı 740,66 km, magistral ise 295,89 kmdir.

Bar olğan ve vaqtınca işğal etilgen topraqlarnıñ ödenmemesi sebebinden arttırılğan borcumızğa dair İrina Vereşçuk, bu meselenen bağlı merkeziy, vilâyet ve yerli ükümetleriniñ işdeşligi algoritminiñ endi azır olğanını qayd etti. Er kün Sergiy Gayday şimdiki vaziyetni ve qoşma areketlerniñ kerekligini aytmaqtadır.

«Men baş nazir Denis Şmıgalnen Popasna suv kanalınıñ işlenmesi aqqında laf ettim. Bu obyektniñ elektrik aqımı toqtatılmaycağı aqqında añlaştıq, yani insanlar suvnı almağa devam etecekler», – İrina Vereşçuk dep haber etti.