2021 s. dekabr ayınıñ 16-sinde Ukraina Prezidenti Volodımır Zelenskiy öz cemiyet nazar noqtası, suverenitetni qorlaçavğa ve Ukrainanıñ territorial bütünligini ğayrıdan tiklevge yönelgen cemiyet-siyasiy faaliyeti sebebinden qanunsız üküm alğan ve RF, tecavuzcı bir devlet, tarafından qanunsız olaraq azatlıqtan marum etilgen daa 14 ukrain vatandaşlarına Levko Lukyanenko adına stipendiyanı tayin etti.
№662/2021 ve №663/2021 emirleri, Prezidentniñ Ofisiniñ saytında yayınlandı.
Böylece, №662/2021 Emri, qanunsız yaqalav, tutuv vaqtında ve azat etkenden soñ 1 sene devamında Levko Lukyanenko adına devlet stipendiyasını tayin etüvni esapqa almaqta:
- Emir-Usein Kuk
- Server Mustafayev
- Seyran Saliyev
Ve bir yıl devamında:
- Stanislav Aseyev
- Vitaliy Buyanov
- Anatoliy Kovalskıy
- İgor Kozlovskıy
- İgor Movenko
- Anasasiya Muhina
- Olena Sorokina
- Oleksandr Tımofeyev
- Marına Çuykova
- Andriy Şçekun
№663/2021 emri, qanunsız yaqalav, tutuv vaqtında ve azat etkenden soñ 1 sene devamında Vladıslav Yesıpenkoğa Levko Lukyanenko adına devlet stipendiyasını tayin etüvni esapqa almaqtadır.
Reintegratsiya nazirligi, kerekli ödevlernen temin etilecektir.
Qoşma malümat: Levko Lukyanenko adına devlet stipendiyası, bu kişilerniñ içtimaiy ya da siyasiy faaliyeti sebebinden Donetsk ve Lugansk vilâyetlerindeki ve Qırım Muhtar Cumhuriyetindeki vaqtınca işğal etilgen topraqlarnı kontrol astında tutqan Rusiye Federatsiyası ya da RF işğal memuriyeti tarafından qanunsız olaraq tevqif olğan ukrain vatandaşları içün er ay üç yaşayış azğarınıñ miqdarında teyinlenmekte.