burger

Halqara Qırmızı Haç komiteti yardımınen Donetsk ve Lugansk vilâyetleriniñ vaqtınca işğal etilgen topraqlarına 9dan ziyade tonnalıq gumanitar yük ketirildi

Опубліковано 22 December 2021 року, о 9:56

Bugün, 2021 s. dekabr ayınıñ 22-sinde “Sarı Bulat” KÇYKnden Ukrainanıñ Donetsk ve Lugansk vilâyetleriniñ RF tarafından vaqtınca işğal etilgen topraqlarına eki yük maşnası vastasınen 9,145 tonnalıq gumanitar yük (qurucılıq malzemeleri) ketirildi.

Resmen gumanitar yardım, Cenevre Konventsiyalarınıñ Halqara Qırmızı Haç komitetiniñ global bücetine ödevler yapqan bütün aza devletlerinden berildi.

«Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Halqara Qırmızı Haç komitetinen (HQHK) devamlı işdeşligi içün teşekkür bildirmege isteymiz…» HQHKniñ Reintegratsiya nazirligine mektübinde yazılmaqta.

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ halqara gumanitar teşkilâtlarınen faaliyetli işdeşligi devam etecektir.