Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ idaresi astında olğan «Reintegratsiya ve yañıdan quruv» devlet şirketi «Zolote» KÇYKnde yañı hızmet zonasını teşkil etmekte, em de KÇYKndeki mevcut olğan rejim zonasını modernleştirmektedir.

Lugansk vilâyetine ziyaret vaqtında Reintegratsiya nazirliginiñ Reintegratsiya ve gumanitar minasızlaştıruv direktoratınıñ hadimleri obyektteki şimdiki quruluv ve modernleştirüv işleriniñ vaziyetini ögrendiler.

Şimdi:

• KÇYKniñ mevcut olğan bünyeleri söküldi;
• hızmet zonasında modul bünyelerini tiklemek içün topraq azırlandı;
• qoralanpğan qora tiklendi, kommunikatsiyalar, bu cümleden suv teminatı, ketirildi;
• hızmet zonasında modul bünyelerini tikleme işleri devat etmektedir.

«Zolote» KÇYKnde hızmet ve rejim zonalarınıñ abadanlaştırılması 2022 senesiniñ ilk yarım yılı içinde planlaştırılmaqta.

«Zolote» KÇYKniñ modernleştirmesi, vaqtınca işğal etilgen topraqlarda yaşağan ukrain vatandaşlarınıñ aqlarınıñ qorçalanmasına, halqara gumanitar aqnıñ raiyet etilmesine, ve sıñırnı kerek olğanı kibi keçüvge yekâne yanaçuvnıñ yerine ketirilmesine yöneldi.

2020 s. noyabr ayında «Zolote» KÇYK açıldı. Yoqlav keçitiniñ işi işğal memuriyetleri tarafından bloklanmaqta.

2020 senesiniñ soñunda Ükümetniñ «Reintegratsiya ve yañıdan quruv» DŞni, KÇYKlerini ve oña yaqın olğan topraqlarnı abadanlaştırmağa, baqmağa ve hızmet etmege masül tutqanını hatırlatamız. «Şçastâ» ve «Sarı Bulat» KÇYKlerinde modernleştirilgen hızmet zonaları bütün başqa yoqlav keçitleri içün yekâne modernleştirme standartı oldı.