2021 senesi içinde Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukrainağa qarşı RF silâlı tecavuzı neticesinde azatlıqtan marum etilgen kişilerge 55,8 mln grivnalıq para yardımını ödedi.

Bu cümleden, işğalcınıñ cinaiy areketleri neticesinde azatlıqtan marum etilgen 418 vatandaş bir kerelik 100 biñ grivnalıq para yardımını aldı. Umumen bu maqsatnen 41,8 mln grivna sarf etildi.

Bundan ğayrı, 14 mln grivna, RF ve vaqtınca işğal etilgen topraqlarında tevqif olğan 140 ukrainniñ qorantalarınıñ uquqiy yardımı içün ayırıldı.

Ödevlerniñ umumiy miqdarı – 55,8 mln grivnadır.

Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde İdarelerarası eyyet yardımnı alacaq kişilerni saylay edi. 2021 s. içinde mezkür eyyetniñ 11 oturışı oldı.

Dekabr ayınıñ 23-çnde Ukraina Nazirler Kabinetiniñ Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması yol-yoruğını qolaylaştırğanını hatırlatamız.