Donetsk vilâyetindeki «Sarı Bulat» kiriş-çıqış yoqlav keçitiniñ hızmet zonasınıñ toprağında COVID-19ğa qarşı yañı vaktsinatsiya statsionar noqtası çalışmağa başladı. Ukrainanıñ vaqtınca işağl etilgen topraqlarınıñ reintegratsiya meseleleri nazirliginiñ Donetsk vilâyetiniñ yerli akimiyetinen işdeşligi yardımınen vaktsinatsiya noqtasını teşkil etti ve tibbiy hızmetler anda yerleştirildi.

Bugünden KÇYKniñ hızmet zonasınıñ toprağınıñ mahsus abadanlaştırılğan hanede vatandaşlar COVID-19ğa qarşı vaktsinatsiya hızmetini ala bilirler. Noqtanıñ iş grafigi – Bazarertesi ve Cuma künleri 9:00 – 15:00.

Şimdi vatandaşlar, Pfizer-BioNTechten Comirnaty ve Sinovac Biotechten CoronaVac kibi eki vaktsinanen aşı yaptıra bilirler.

«Sarı Bulat» KÇYKniñ kişilerni keçirgen Donetsk vilâyetindeki sıñır sızığında tek noqta olğanını hatırlatamız. O, aftada eki kün çalışmaqta. Keçken afta yoqlav keçitini 566 vatandaş qullandı. Başqa yol koridorlarınıñ işini işğal memuriyetleri bloklamaqta.

Daa bu afta Lugansk vilâyetindeki «Stanıtsâ» Luganska» KÇYKnde COVID-19ğa qarşı aşı modil noqtası açıldı.