Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Gumanitar yardım ve Ukrainada grajdan ealini qorçalama meseleleri avropa eyyeti (ECHO), AQŞ halqara inkişaf agentligi (USAID) ve Ukrainadaki İşsveçre elçiliginiñ İsveçre inkişaf ve işdeşlik agentligi (İİİA) kibi Ukraina içün gumanitar yardımnıñ üç esas halqara donorınıñ reberlerinen körüşti.

Taraflar, halqara yardımnı bergenlerniñ gumanitar faaliyetler yönelişlerini muzakere ettiler, Ukrainada ola bilecek fevqulâde vaziyetke qarşılıq kösterüv yolları aqqında añlaştılar. Bu cümleden, Vitse-baş nazir halqara ortaqlarğa Ükümetniñ azırlağanı mezkür qarşılıq kösterme planını taqdim etti.

Körüşüvde böyle kişiler iştirak ettiler:

• Srcan Stoyanovıç – ECHOnıñ baş direktoratınıñ ofisiniñ reberi;
• Stefani Sobol  – Ukrainada USAID gumanitar meseleleri baş mesleatçısı;
• Eylin Hofsteter – Ukrainada İsveçre elçiliginiñ ilk mesleatçısı ve gumanitar koordinatorı.

Daa Çarşenbe künü fevral ayınıñ 2-sinde «Ukrainanı desteklemek içün ortaq fondu»nıñ resmiy taqdim etilecegini hatırlatamız. Onıñ teşebbüsleri AQŞ, Kanada, Büyük Britaniya, İsveçre ve İsveçiyadır.