burger

Barışıq inkişaf merkezi, ortaq resursı yardımınen RFnıñ yañlış malümatına qarşılıq kösterecek

Опубліковано 2 February 2022 року, о 18:00

2022 s. fevral ayınıñ 2-sinde «Quvetli Ukraina içün işdeşlik» fondunı teşkil etüv Memorandumını imzalağan soñ jurnalistlernen laf etkende Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, yañı müessiseniñ bazı teşebbüslerini yerine ketirmek içün Reintegratsiya nazirliginde keçken seneniñ soñunda çalışmağa başlağan Milliy barışıq inkişaf merkeziniñ çekecegini qayd etti.

Bu Merkezniñ reberi Oleksandr Smırnovnıñ sözlerine köre, öz imkânlarını endi pekitmekte, şimdi bir qaç teşkiliy mesele çezmektedir. Taqım endi öz ilk adımlarını azırmaqta ve yaqın zamanda olarnı cemiyet ögünde añlatacaqmız.

Aynı zamanda İrina Vereşçuk, Fondnıñ 2022 s. yerine ketirmege planlaştırılğan leyhalarından biriniñ, gibrid telükelerine qarşılıq kösterüvnen, kreml yanlış malümat berüvinen bağlı olğanını haber etti. Bu teşebbüs muvafaqiletli olsa, devletniñ şarqı ve cenübindeki vatandaşlarına rus propagandasınıñ malümat ücümlerine qarşılıq köstermege yardım etecek, zararlı ve yañlış malümatnı farqlamağa ögretecek. Tamam Milliy barışıq inkişaf merkezi, ortaq Forndunıñ resurs esasında mezkür leyhanıñ üzerinde de çalışaycaq.