burger

Ükümet, «Donbastaki suv» KHnıñ meselelerini çezüv idarelarası eyyetniñ erkânını yañarttı

Опубліковано 9 February 2022 року, о 16:30

Fevral ayınıñ 9-ındaki oturışta Ukraina Nazirler Kabineti, «Ukraina Nazirler Kabinetiniñ 2021 s. oktâbr ayınıñ 28-indeki №1125 qararına deñişmelerni kirsetüv aqqında» qararnı tasdıqladı. Ükümetniñ erkânında kadr deñişmeleri sebebinden «Donbastaki suv» kommunal hocalığınıñ meselelerini çezüv idarelarası eyyetniñ мфяэау erkânını aktuallaştırdı.

Bu cümleden, böyle kadr deñişmeleri tasdıqlandı:

  • İdarelerarası gruppanıñ başınıñ muavini, Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini olacaq (Reintegratsiya nazirliginiñ naziriniñ ilk muavini yerine);
  • İdarelerarası iş gruppasınıñ kâtibi, Reintegratsiya nazirliginiñ Astyapı direktoratınıñ Ekologiya telükesizligi mütehassıs gruppasınıñ devlet mütehassısı olacaq (Reintegratsiya nazirliginiñ Astyapı direktoratınıñ Ekologiya telükesizligi mütehassıs gruppasınıñ reberi yerine);
  • Nazirniñ ilk muavinleriniñ gruppasına İqtisadiyat nazirligi ve Energetika nazirligi kirsetilecek (Nazirniñ muavinleri yerine);
  • DBHniñ başınıñ ilk muavininiñ gruppasına Ukraina devlet bergi hızmeti kirestildi (DBHniñ başınıñ muavini yerine).

Qararnı qabul etüv, «Donbastaki suv» şirketi» kommunal hocalığınıñ meselelerini çezmege ve ealini aqsamadan suvnen temin etmege yardım etecek idarelerarası iş gruppasınıñ işini başlatmağa imkân berecek.

Qoşma malümat. Ukraina Nazirler Kabinetiniñ 2021 s. oktâbr ayınıñ 28-indeki № 1125 qararınen «Donbastaki suv» şirketi» kommunal hocalığınıñ meselelerini çezüv idarelerarası iş gruppası teşkil etildi ve onıñ vazife erkânı tesbit etildi. Gruppanıñ başı, Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuktır.

Daa iş gruppasınıñ erkânına böyle müessiselerniñ vekilleri kirsetildi:

  • Ukrainanıñ vaqtınca işğal etilgen topraqlarınıñ reintegratsiya meseleleri nazirligi;
  • Ukraina energetika nazirligi;
  • Ukrainanıñ cemiyetleri ve teopraqlarını inkişaf nazirligi;
  • Ukraina iqtisadiyat nazirligi;
  • Ukraina maliye nazirligi;
  • Ukraina mudafaa nazirligi;
  • Devlet bergi hızmeti;
  • Energetika ve kommunal hızmetler saalarında devlet idaresini yapqan milliy eyyet (EKHİME);
  • Donetsk vilâyet devlet memuriyeti.