burger

Diqqat! «DOM» telekanalı er zamanki kibi çalışmağa devam ete

Опубліковано 10 February 2022 року, о 17:00

2022 s. fevral ayınıñ 9-ında malümat boşluğında Ukraina milliy televizion ve radio yayın şurasınıñ «DOM» telekanalına («Ukraina yabancı yayın içün multimedia platforması» devlet müessisesi) yayın litsenziyasını yañıdan resmiyleştirmege red etmesinen bağlı bir haber çıqtı.

2022 s. fevral ayınıñ 10-unda Milliy şuranıñ, «UYYMP» DMniñ yayın litsenziyasını yañıdan resmiyleştirmege red etüvge dair iç qarar bermegenini resmiy olaraq haber etemiz.

«DOM» telekanalı er zamanki kibi çalışa ve vaqtınca işğal etilgen topraqlarda ve oña yaqın topraqlarda yaşağan seyircilerni turğun ve keyfiletli yayınnen temin ete.

Bundan ğayrı, fevral ayınıñ 10-undaki oturışta Milliy şura, «UYYMP» DMniñ «DOM» telekanalınıñ Donetsk vilâyetiniñ Pokrovsk, Volnovaha, Girnık, Kramatorsk ve Mariupol şeerlerinde, Lugansk vilâyetiniñ Şçastâ rayonınıñ Bahmutivka ve Şırokıy qasabalarında, Starobilsk rayonınıñ Pidgorivka qasabasında ve Herson vilâyetiniñ Çaplınka qasabasında vaqtınca yayınlama izininiñ uzatılması şefaatını qanaatlendirdi.